"अंबा मधले आई बाबांचे घर आमचे मित्र श्री अजय पुरकर यांनी अंबा घाटाच्या अलीकडे अतिशय सुरेख असे घर बांधले आहे ' आई बाबांचे घर

पावनखिंड सिनेमा बघितला तेव्हा पासून बाजी प्रभू देशपांडे ना जिथे वीर मरण आले त्या घोड खिंडीस भेट द्यायची इच्छा होतीच आणि त्यातच सिनेमा मध्ये खुद्द बाजींचे काम साकारलेल्या अजय चे पावनखिंड च्या अगदी जवळ असलेलं आई बाबांचे घर मध्ये दोन दिवस राहायचे हा दुग्ध शर्करा योग जुळून आला . कोल्हापूरहून सकाळी अंबा ला यायला निघालो. वाटेत पावनखिंडला भेट देऊन पुढे अंब्यात यायचे ठरवले. पावनखिंड ला भेट दिल्यावर तेथे अक्षरशः भारावून जायला होते. सर्व शिडी वगैरे ची सोय असून सुद्धा खिंडीत उतरताना मनात भीती वाटत होती तर त्या काळी महाराज आणि मावळे कसे काय इतक्या प्रतिकूल परिस्थितीत लढले असतील याचा विचार केला तरी अंगावर रोमांच उभे राहतात. तिथे खिंडीत उभे राहून तिथल्या लढाईचे वर्णन ऐकले की आपण किती खुजे आहोत याची जाणीव होते. बाजीप्रभू असंख्य मावळे आणि महाराजांपुढे नतमस्तक होऊन आम्ही अंब्याच्या दिशेने निघालो

अंबा गावातून थोडे घाटाच्या दिशेने पुढे आलो की आई बाबांचे घर च्या पाटी ने आमचे स्वागत केले . आम्ही येणार हे माहीत असल्याने सुंदर बन चे व्यवस्थापक श्री महादेव बोने उर्फ महादू मामा आमची वाट पाहत उभेच होते. हायवे ला सुंदरबन कॉलनी आहे तेथेच हे अजय ने अतिशय सुरेख असे घर बांधले आहे. कॉलनी मध्ये प्रवेश करून साधारण एक दीड किलोमीटर आत अंतर पार करून आम्ही घरी आलो. दोन बेडरूम हॉल आणि किचन आणि बाहेर प्रशस्त अशी जागा असे अत्यंत देखणे घर समोर आले. निसर्गाच्या कुशीत हे वर्णन यथार्थ ठरेल असे घर आहे .सर्व सोयी सुद्धा छान केल्या आहेत. घराच्या मागच्या बाजुला दाट जंगल आणि नीरव शांतता हे अनुभवायास मिळाले . शहरातील गडबड गोंगाट पासून दूर जायचे असेल तर आई बाबांचे घर हा परफेक्ट गेटवे आहे. संध्याकाळी व्हरांडा मध्ये बसलेले असताना गौर ( गवे) चे दर्शन तर घराच्या दारात झाले. रात्री शांततेचा अनुभव घेत असताना अचानक झाडामध्ये लायटिंग चालू झाले . काजव्यानी आपली करामत दाखवायला सुरुवात केली होती. वरती निरभ्र आकाश बाजूला शांत जंगल त्यामध्ये चमचमणारे काजवे अनुभवत किती वेळ अबोल बसून होतो ते कळलेच नाही

महादू मामांकडचे सुग्रास जेवण सकाळी विनोद ने करून दिलेला आयता वाफाळता गरम चहा अहाहा नुसते सुख जवळपास फिरून मानोली चे धरण,sunset point , देवराई मधील अंबेश्वर हे ग्राम दैवताचे मंदिर ही ठिकाणे सुद्धा पाहता आली. या घरात टीव्ही नसणे हे सुद्धा एक प्रकारे सुखाचेच आहे . कारण टीव्ही आला की बाहेरची ही मजा अनुभवता च येत नाही . उन्हाळा असून सुद्धा एवढे आल्हाददायक तर पावसाळा थंडीत तर विचारायलाच नको. पुन्हा दिवाळी नंतर येऊन त्या वेळचे वातावरण अनुभवावे असे ठरवले आहे. 5 जून ला जागतिक पर्यावरण दिन असतो त्याच दिवशी आम्हाला निसर्गात रहायला मिळाले हा अजून एक अमृत शर्करा योग अजय ने शंकरा ( आई बाबांचे घर) सर्वांसाठी खुले केले आहे नक्कीच प्रत्येकाने एकदा तरी अनुभव घ्यावाच असे ठिकाण आहे "

- Mr Jagdish and Mrs Anita Ranade